HAURDUNALDI SAIOA

Haurdunaldiko saioek badute zerbait berezia: itxarotearen magia.

Aldaketa garaia da, sentikorra, bizitza aldatzear dagoen une hori. Baina bada beste zerbait ere, ohikoa bezain indartsua dena: bizitza berri bat sortzen ari den gorputza. Bikote askorentzat bi izatetik hiru izatera pasatu aurreko azken uneak dira, iristear den txiki horrek dena hankaz gora jarri aurretik. Eta familian jada umeak daudenean, aldaketa sentipen bat ere badago agerian: laster bat gehiago izango garela jakitea, eta bizitza, orain artekoa zena, aldatzear dagoela sentitzea. Azkar pasatzen den garai baten oroitzapenak dira eta merezi dute gordetzea.

Saioa lasaia izango da, presarik gabe. Denbora pixka bat etxean emango dugu, zuen giroan, irudi intimoagoak eta naturalagoak egiteko eta ondoren kanpora aterako gara, naturaz eta aire libreaz gozatzera. Helburua une hau bere horretan jasotzea da, modu naturalean, urte batzuk barru berriro begiratu eta irribarre egiteko.

Dena aldatu aurretik bizitza nolakoa zen gogoratzeko oroitzapen txiki bat.